Namanganda 500 mln so‘mlik tovar moddiy boyliklarining noqonuniy aylanmasiga chek qo‘yildi

Viloyat Bojxona Boshqarmasining kun.uzga ma’lum qilishicha, Yangiqo‘rg‘on tumani Qizilyozi mahallasida yashovchi, K.M.ning xonadoni ko‘zdan kechirilganda, taxminiy qiymati 500 mln so‘mlik 85 turdagi oziq-ovqat mahsulotlari va spirtli ichimliklar mavjudligi aniqlangan.

Surishtiruv tadbirlari davomida, ushbu mahsulotlarni Yangiqo‘rg‘on tumani Do‘stlik mahallasida yashovchi S.S.ga tegishli ekanligi va u mazkur tovar-moddiy boyliklarini Qirg‘iziston Respublikasi hududidan chegaradan aylanma yo‘llar orqali noqonuniy tarzda olib o‘tib, qarindoshi Q.J. orqali, qo‘shnisining yashash xonadoniga vaqtincha saqlab turish uchun olib kelib joylashtirganligi aniqlangan.

Hozirda holat yuzasidan viloyat Bojxona Boshqarmasi tomonidan tergovga qadar surishtiruv tadbirlari olib borilmoqda.