U fuqaroning ishonchiga kirib, qo‘shni davlat oliy ta’lim muassasasiga o‘qishga kiritib, keyinchalik o‘qishini ko‘chirib bermoqchi bo‘lgan. Bu haqda Bosh prokuratura huzuridagi Departament xabar bermoqda.
Qayd etilishicha, fuqaro S.Q. fuqaro A.ni tanishlari yordamida Qirg‘iziston Respublikasidagi tibbiyot institutiga o‘qishga kiritib qo‘yib, keyinchalik o‘qishini Andijon tibbiyot institutiga ko‘chirib berish evaziga 3 000 AQSh dollari va 10,9 mln so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq, Namangan viloyati Sog‘liqni saqlash boshqarmasi xodimi va hamshira pora olayotganda qo‘lga olingani xabar qilingan edi.
