Samarqand shahar hokimiga yangi o‘rinbosar tayinlandi

Samarqand shahar hokimining 2022 yil 14 fevraldagi tegishli qaroriga asosan, Nurullayev Xurshid Toirovich Samarqand shahar hokimining o‘rinbosari – mahalla va oilani qo‘llab-quvvatlash bo‘limi boshlig‘i lavozimiga tayinlangan.

Mazkur tayinlovgacha, Xurshid Nurullayev Samarqand shahar “Nuroniylar” jamoatchilik kengashi raisi lavozimida faoliyat yuritib kelayotgan edi.

Avvalroq viloyat hokimiga ikki nafar yangi o‘rinbosar tayinlangandi. Viloyat hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari – viloyat Turizm va sport bosh boshqarmasi boshlig‘i lavozimiga Rustam Qobilov, viloyat hokimi o‘rinbosari – Mahalla va oilani qo‘llab-quvvatlash boshqarmasi boshlig‘i lavozimiga Isroil Jabborov tayinlangandi.