Bayden milliy xavfsizlik kengashi yig‘ilishini chaqirdi

AQSh prezidenti Jo Bayden mamlakat milliy xavfsizlik kengashi yig‘ilishini o‘tkazadi. Bu haqda Oq uy saytida ma’lum qilindi.

Xabarda aytilishicha, yig‘ilish Ukraina janubi-sharqidagi vaziyat keskinlashgani bois chaqirilgan.

«Bayden Ukraina chegaralarida Rossiya harbiy kuchlari oshirilishi sababli oxirgi voqealarni muhokama qilish uchun milliy xavfsizlik kengashi yig‘ilishini chaqirdi», — deyiladi Oq uy xabarida.

Avvalroq Pentagon vakili Jon Kirbi Rossiya Ukrainaga istalgan vaqtda, jumladan "yaqin soatlarda" hujum qilishi mumkinligini aytgandi.

21 fevral kuni Rossiya prezidenti Vladimir Putin Xavfsizlik kengashining rejadan tashqari yig‘ilishini o‘tkazdi.