Sport | 16:53 / 01.03.2022
20320
1 daqiqa o‘qiladi

O‘zbekiston va yana uch milliy jamoa ishtirokida «Navruz Cup-2022» turniri o‘tkaziladi

O‘zbekiston futbol assotsiatsiyasi 25-29 mart kunlari Namanganda ilk marta «Navruz Cup-2022» turnirini o‘tkazadi.

Foto: Tribuna.uz

«Musobaqada O‘zbekiston milliy jamoasi bilan birga Tojikiston, Qirg‘iziston va Uganda milliy jamoalari ishtirok etishadi. 

Jamoalar dastlab yarimfinal uchrashuvlarini o‘tkazishadi. G‘oliblar birinchi o‘rin uchun, mag‘lub jamoalar esa uchinchi o‘rin uchun kurash olib boradi. Barcha o‘yinlar Namangandagi «Markaziy» stadionida bo‘lib o‘tishi rejalashtirilmoqda», - deyiladi O‘FA xabarida.

«Navruz Cup-2022» taqvimi:

Foto: UFA

Eslatib o‘tamiz, O‘zbekiston milliy jamoasining Osiyo kubogi saralashidagi uchrashuvlari ham Namangan shahridagi «Markaziy» stadionida bo‘lib o‘tishi e’lon qilingandi. Milliy jamoaning Tailand, Maldiv orollari, va Shri Lankaga qarshi o‘yinlari 8, 11 va 14 iyun sanalarida o‘tkazilishi rejalashtirilgan.

Mavzuga oid