Ukraina parlamenti mamlakatga BMT tinchlikparvar kuchlari kiritilishini so‘radi

Ukrainalik deputatlar shuningdek, BMT bosh kotibini urushni to‘xtatishda vositachilik qilishga chaqirgan.

Foto: AP

Ukraina parlamenti BMT, Qizil xoch, Yevroparlament va boshqa xalqaro tashkilotlarga zudlik bilan mamlakat aholisi himoyasini ta’minlashni so‘rab murojaat qildi.

Mamlakat Oliy radasi xalqaro hamjamiyatdan quyidagilarni so‘radi:

Ukraina ustida parvoz qilish taqiqlangan hudud joriy etish;
odamlarni xavfsiz tarzda evakuatsiya qilish uchun «yashil» yo‘laklar tashkil qilish;
Ukrainaga BMT Bosh assambleyasi asosida tinchlikparvar kuchlarni kiritish.

Bundan tashqari, deputatlar BMT bosh kotibini urushni to‘xtatishda vositachilik qilishga chaqirgan.