20:14 / 07.03.2022
8606
Nissan Санкт-Петербургдаги заводи фаолияти тўхтатилишини эълон қилди

Ўтган ҳафтада Toyota компаниясининг Санкт-Петербургдаги заводи ёпилганди.

Фото: РИА Новости

Nissan автоконцерни Санкт-Петербургдаги заводи фаолияти "яқин кунларда" тўхтатилишини маълум қилди.

"Россияга автомобил экспорти тўхтатилган, яқин кунларда Санкт-Петербургдаги завод ишини тўхтатиш режалаштирилган", - дейилади компания баёнотида.

Аввалроқ автоконцерн япониялик ходимларига Россияни тарк этишни буюрганди.

4 март куни Toyota компаниясининг Санкт-Петербургдаги заводи ёпилганди. Toyota 30 нафар ходими Японияга қайтганини маълум қилган.

Шунингдек, Subaru ва Mitsubishi Motors компаниялари ҳам ўз ходимларини Россиядан олиб чиқиб кетмоқда.

Top