20:08 / 07.03.2022
64195
Песков Россиянинг Украинага шартларини маълум қилди

Кремл вакилининг сўзларига кўра, Украина конституцияга ўзгартириш киритиши ва “бирор-бир блокка кириш даъвосидан” воз кечиши, Қримни Россияники, ДХР ва ЛХРни мустақил давлатлар деб тан олиши лозим.

Фото: Сергей Фадеичев/ТАСС

Агар Киев Москванинг шартларини бажарса, Россия махсус операцияни “бир лаҳзада” тўхтатиши мумкин, деди РФ президенти матбуот котиби Дмитрий Песков.

“Уларга буларнинг бари бир лаҳзада тўхташи мумкинлиги айтилди”, - дея унинг сўзларидан иқтибос келтирган Рейтер агентлиги.

Кремл вакилининг сўзларига кўра, Украина конституцияга ўзгартириш киритиши ва “бирор-бир блокка кириш даъвосидан” воз кечиши керак.

Бундан ташқари, Украина Қримни Россияники, ДХР ва ЛХРни мустақил давлатлар деб тан олиши лозим.

“Биз Украинани демилитаризация қилишни якунлаяпмиз. Улар жанговар ҳаракатларни тўхтатишлари керак”, - деб таъкидлади у.

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top