Parij Putin bilan o‘tkazilgan «og‘ir muzokaralar»dan so‘ng YeI Rossiyaga qarshi yangi sanksiyalar kiritishini ma’lum qildi

Fransiya prezidenti Emmanuel Makron, Germaniya kansleri Olaf Shols va Rossiya prezidenti Vladimir Putin o‘rtasidagi muzokaralar «juda ochiq va og‘ir» o‘tdi, deb xabar berdi BFMTV telekanali Yelisey saroyiga asoslanib.

Xabarda aytilishicha, Rossiya tomonining Ukraina harbiylari gumanitar huquqlarni buzayotgani to‘g‘risidagi so‘zlari haqiqatga mos kelmaydi. 

Telekanalning ma’lumot berishicha, Makron va Shols Putinni yana bir bor «zudlik bilan o‘t ochishni» va Mariupolni «qamal qilishni» to‘xtatishga chaqirgan. 

Shuningdek, Rossiya harbiy operatsiyani to‘xtatish «niyati yo‘qligini bildirgani» sababli Yevroittifoq «yaqin soatlarda» qo‘shimcha sanksiyalar kiritishi ma’lum qilingan.

12 mart kuni Putin Makron va Shols bilan telefon orqali muloqot qildi.