12:30 / 15.03.2022
511
Андижонда 2,3 млрд сўмлик товарларни олиб киришга бўлган уриниш фош бўлди
Фото: Давлат божхона қўмитаси ахборот хизмати

“МАN” русумли юк машинасида умумий қиймати 2 млрд 306 млн сўмлик 13 521 дона идиш ва 2040 дона сув насоси борлиги аниқланган.

Давлат божхона қўмитаси ахборот хизматининг маълум қилишича, Андижон вилояти божхона бошқармасининг “Дўстлик” чегара божхона пости орқали юртимизга кириб келган “МАN” русумли юк автотранспорт воситаси белгиланган тартибда божхона кўригидан ўтказилган.

Натижада, автомашинада ҳужжатларда кўрсатиб ўтилмаган, умумий қиймати 2 млрд 306 млн сўмлик 13 521 дона идиш ва 2040 дона сув насоси борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.

Top