20:31 / 26.03.2022
8369
Туркия Қора денгизда балиқ овлашга қисман чеклов киритди

Аввалроқ Босфор бўғозида мина топилган ва Туркия сувости мудофаа гуруҳи томонидан зарарсизлантирилганди.

Фото: Anadolu Agency

26 мартдан бошлаб Қора денгизнинг Болгария ва Кефкен ўртасидаги сувларида тунги вақтда балиқчиликнинг барча турлари билан шуғулланиш тўхтатилади. Бу ҳақда “Онадўлу” агентлиги хабар берди.

Туркия қишлоқ ва ўрмон хўжалиги вазирлигининг билдиришича, аҳоли ҳаёти ва мулки хавфсизлигини таъминлаш мақсадида мазкур қарор қабул қилинган.

Аввалроқ Босфор бўғозида минага ўхшаш жисм топилгани хабар қилинганди. 

Туркия мудофаа вазири Ҳулуси Акарнинг сўзларига кўра, у эски намунадаги мина бўлган.

Мамлакат сувости мудофаа гуруҳи минани зарарсизлантирган.

Top