18:36 / 30.03.2022
35465
Киев Россия билан тинчлик сулҳи имзоланиши шартини маълум қилди

Россия билан тинчлик келишуви Россия қўшинлари 23 феврал ҳолатига бўлиб турган ҳудудларга тўлиқ қайтарилганидан кейингина имзоланади.

Фото: Sputnik / Сергей Карпухин

Бу ҳақда Украина делегацияси раҳбари Давид Арахамия маълум қилди.

«Шартнома имзолаш жараёнига чиққанимизда, уни жиддий муҳокама қилиш вақти келганида улар тўлиқ чиқиб кетишлари шарт. Ўшандагина шартномани имзолашга ўтирамиз», - деди у.

Арахамия Украина шарқини музокаралардаги энг мураккаб масала деб атади, унинг сўзларига кўра, бу масала ҳатто муҳокама ҳам қилинмаган.

29 март куни Россия ва Украина делегациялари Туркиянинг Истанбул шаҳрида музокаралар ўтказди.

Музокаралар қарийб уч соат давом этди.

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top