Qoʻshimcha funksionallar
-
Tungi ko‘rinish
«Qo‘shnilari bilan urush qiladigan mamlakatda yasholmayman»: «Yandeks» bosh direktori Rossiyani tark etdi
Bunina «harbiy operatsiya»ga qarshiligi sababli Isroildan Rossiyaga qaytishni rejalashtirmayotganini bildirgan.
«Yandeks» bosh direktori Yelena Bunina o‘z lavozimini tark etadi, kompaniyaga uning o‘rniga Artyom Savinovskiy vaqtinchalik rahbarlik qilib turadi.
The Bell Buninaning «Yandeks» ichki forumidagi xabariga asoslanib u Rossiyani fevral oxirlarida tark etganini yozdi. Buninaning so‘zlariga ko‘ra, u hozirda «Yandeks»ning Isroildagi ofisida HR-direktor lavozimida ishlamoqda.
Bunina Ukrainada harbiy harakatlar boshlanishidan oldin Kiprga ta’tilni o‘tkazish uchun ketgani, so‘ngra Isroilga ko‘chib o‘tgani va «harbiy operatsiya»ga qarshiligi sababli Rossiyaga qaytishni rejalashtirmayotganini bildirgan.
«Men qaytmayman: qo‘shnilari bilan urush qiladigan mamlakatda yasholmayman», – deb yozgan u.
Bunina 2011 yilda «Yandeks» HR-direktori etib tayinlangan, 2017 yilda esa bosh direktor bo‘lgandi. Ma’lumot berilishicha, u 15 apreldan bosh direktorlikdan rasman bo‘shaydi.
Rossiya-Ukraina urushi
