O‘zbekiston ikki oyda Qozog‘iston va Rossiyaga 97 ming tonna meva va sabzavotlarni yetkazib berdi

Qo‘mita xabariga ko‘ra, 2022 yilning yanvar-fevral oylarida O‘zbekiston 114 mln dollarlik meva va sabzavotlar eksport qilgan.

O‘zbekiston 2022 yilning dastlabki ikki oyida eng ko‘p meva va sabzavot mahsulotlarini eksport qilgan davlatlar orasida Qozog‘iston yetakchilik qilmoqda – 67,5 ming tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Rossiya – 29,5 ming tonna;
• Xitoy – 16,6 ming tonna;
• Qirg‘iziston – 14 ming tonna;
• Afg‘oniston – 6,8 ming tonna;
• Pokiston – 3,3 ming tonna;
• Ukraina – 3,3 ming tonna;
• Turkiya – 3,2 ming tonna;
• Eron – 2,5 ming tonna;
• Ozarboyjon – 2,4 ming tonna;
• Belarus – 2,2 ming tonna;
• BAA – 1,4 ming tonna;
• Germaniya – 553 tonna;
• AQSh – 386 tonna.

Bundan oldin O‘zbekiston ikki oyda 164 ming tonna meva va sabzavotlarni xorijga sotgani ma’lum qilingandi. 

Yanvar-fevral oylarida eksport qilingan meva va sabzavotlar hajmi quyidagicha:  

• meva va rezavorlar – 19,2 ming tonna;
• quritilgan meva va rezavorlar – 8,7 ming tonna;
• sabzavotlar – 100,4 ming tonna; 
• qalampir – 2,6 ming tonna; 
• pomidor – 12,5 ming tonna; 
• uzum – 9,5 ming tonna;
• mayiz – 15,2 ming tonna;
• yeryong‘oq – 4,2 ming tonna;
• tarvuz-qovun – 337 tonna.