Britaniya bosh vaziri lokdaun vaqtida bazm uyushtirgani uchun jarimaga tortildi
Boris Jonson Buyuk Britaniyaning qonun buzgani uchun jarimaga tortilgan ilk bosh vaziri bo‘ldi.
London politsiyasi Buyuk Britaniya bosh vaziri Boris Jonson va Britaniya g‘aznasi kansleri Rishi Sunakni koronavirus pandemiyasi davrida cheklovlarni buzgani uchun jarimaga tortdi.
Britaniya hukumati rahbarining so‘zlariga ko‘ra, u jarimani to‘lagan va bo‘lib o‘tgan voqea uchun uzr so‘ragan.
"O‘sha paytda bu qoida buzish bo‘lishi xayolimga kelmagan. Politsiya buning aksini aniqladi va men ularning tekshiruvi natijalarini hurmat qilaman", - dedi Jonson.
Jonson Buyuk Britaniyaning qonun buzgani uchun jarimaga tortilgan ilk bosh vaziri bo‘ldi. Ammo u muxolifat talab qilganidek iste’foga chiqishdan bosh tortdi.
Ma’lum qilinishicha, Jonson 2020 yil iyunda tug‘ilgan kunini 30 kishi bilan nishonlagan. O‘sha paytda mamlakatda lokdaun joriy etilgan, ochiq havoda olti nafardan ortiq kishining guruh bo‘lib to‘planishi taqiqlangandi.
Keyinroq Boris Jonson 20 may kuni o‘tkazilgan bazmda ham ishtirok etganini bildirib, parlamentda uzr so‘ragandi.
Mavzuga oid
21:52 / 17.09.2024
Buyuk Britaniya noqonuniy migratsiyaga qarshi kurashga 75 mln funt ajratadi
20:09 / 14.09.2024
Britaniyada ayol farzandini «ikki marta tug‘di»
16:34 / 13.09.2024
Britaniya IIV rahbari mamlakatdagi “o‘g‘rilik epidemiyasi” haqida nutq so‘zlayotganda uning hamyonini o‘g‘irlab ketishdi
22:17 / 10.09.2024