09:51 / 17.04.2022
9017
Тошкент вилоятининг тўрт туманида ИИБнинг янги бошлиқлари тайинланди

Тошкент вилояти ИИББ тизимида янги лавозим тайинловлари амалга оширилди.

Ички ишлар вазирининг 14 апрелдаги буйруғи билан лавозим тайинловлари амалга оширилди. Бу ҳақда Тошкент вилояти ИИББ ахборот хизмати хабар берди.

Подполковник Азизбек Алиасқаров Тошкент вилояти ИИББ 1-минтақавий ҳудуд, Паркент тумани ИИБ бошлиғи лавозимига тайинланди.

Азизбек Алиасқаров

Азизбек Алиасқаров тайинловга қадар вилоят ИИББ 2-минтақавий ҳудуд Оҳангарон тумани ИИБ бошлиғи лавозимида хизмат қилган.

Подполковник Эркинжон Боймуҳамедов Тошкент вилояти ИИББ 3-минтақавий ҳудуд, Бекобод тумани ИИБ бошлиғи лавозимига тайинланди.

Эркинжон Боймуҳамедов

Эркинжон Боймуҳамедов тайинловга қадар Ўрта Чирчиқ тумани ИИБ бошлиғининг биринчи ўринбосари лавозимида хизмат қилган.

Подполковник Илғор Турғунов Тошкент вилояти ИИББ 3-минтақавий ҳудуд, Оққўрғон тумани ИИБ бошлиғи лавозимига тайинланди.

Илғор Турғунов

Илғор Турғунов тайинловга қадар Тошкент вилояти ИИББ Жиноят қидирув бошқармасида бўлинма бошлиғи лавозимида хизмат қилган.

Подполковник Дилшод Ҳусанов Тошкент вилояти ИИББ 4-минтақавий ҳудуд, Қуйи Чирчиқ тумани ИИБ бошлиғи вазифасини бажарувчи этиб тайинланди.

Дилшод Ҳусанов

Дилшод Ҳусанов тайинловга қадар вилоят ИИББ 1-минтақавий ҳудуд Қибрай тумани 3-сонли ИИБ бошлиғи лавозимида хизмат қилган.

Top