Toshkentning Sergeli va Yunusobod tumanlariga yangi hokim tayinlandi

Ismatov Davron Rahimjonovich Toshkent shahri Sergeli tumani hokimi lavozimiga tasdiqlandi. U 1982 yilda Toshkent shahrida tug‘ilgan, Toshkent moliya instituti hamda Prezident huzuridagi Davlat boshqaruv akademiyasida ta’lim olgan. 2024 yil fevral oyidan Markaziy bank Toshkent shahar bosh boshqarmasi boshlig‘i lavozimida ishlab kelgan.

Saidaliyev Abrorxo‘ja Rustamxo‘ja o‘g‘li Toshkent shahri Yunusobod tumani hokimi lavozimiga tasdiqlandi. U 1994 yilda Toshkent shahrida tug‘ilgan, 2017 yilda O‘zbekiston milliy universiteti, 2021 yilda Toshkent davlat iqtisodiyot universitetini tamomlagan. 2018 yildan Mirzo Ulug‘bek tumani hokimligida ishlagan va 2022 yil iyun oyidan ushbu tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – tuman iqtisodiyot va moliya bo‘limi boshlig‘i lavozimida ishlab kelgan.