Milliy gvardiyaga bir qator yangi vakolatlar berilmoqda

Qayd etilishicha, Milliy gvardiya organlari Ma’muriy javobgarlik to‘g‘risidagi kodeksning qator moddalari bo‘yicha huquqbuzarliklar to‘g‘risidagi ishlarni ko‘rib chiqishga va jarima tariqasidagi ma’muriy jazo choralarini qo‘llashga haqli ekanligi belgilanmoqda.

Ushbu moddalar:

187-moddasining birinchi qismi (Jamoat joylarida alkogol mahsulotini iste’mol qilish); 

188-modda (Voyaga yetmagan shaxsni g‘ayriijtimoiy xatti-harakatlarga jalb qilish);

188-2-modda (Voyaga yetmagan shaxsning ko‘ngil ochish (dam olish) joylarida tungi vaqtda bo‘lishiga yo‘l qo‘yish);

192-modda (Maishiy shovqinga qarshi kurash talablarini buzish) bo‘yicha. 

Milliy gvardiya organlari mansabdor shaxslari Ma’muriy javobgarlik to‘g‘risidagi kodeksning 61-, 183-, 184-2-, 184-3-, 185-, 185-1- (bojxona to‘g‘risidagi qonunchilikni buzish bilan bog‘liq huquqbuzarliklardan tashqari) 185-2-, 185-3-, 186-moddalarida, 187-moddaning ikkinchi qismida, 188-1-, 188-3-, 189-, 189-1-, 190-, 191-, 194-1-, 195-1-, 196- (Milliy gvardiyaga tegishli qismi bo‘yicha) va 210-1- moddalarida nazarda tutilgan ma’muriy huquqbuzarliklarni aniqlagan taqdirda, ma’muriy huquqbuzarlik to‘g‘risida bayonnoma tuzishi va belgilangan tartibda sudga ko‘rib chiqish uchun yuborishi belgilanmoqda.

Loyiha deputatlar tomonidan birinchi o‘qishda qabul qilingani aytiladi.