21:09 / 29.04.2022
7928
АҚШда Британия Виргин ороллари бош вазири кокаин контрабандасида айбланиб қўлга олинди 

Эндрю Фахи Колумбиядан Майами ва Нью-Йоркка кокаин олиб ўтишда ёрдам бергани учун 700 минг доллар нақд пул олиши керак бўлган. 

Фото: Government of the Virgin Islands

Британия Виргин ороллари бош вазири Эндрю Фахи ва Кариб ҳудуди портлари директори Олеанвин Мейнард АҚШдаги Майами аэропортида қўлга олинди. Бу ҳақда Associated Press агентлиги хабар берди.

Хабарга кўра, улар аэропортда мексикалик наркосавдогарлар билан учрашиши керак бўлган. Аэропортда бош вазир ва директорни гиёҳвандлик моддаларига қарши курашиш бошқармаси агентлари қарши олган. 

Эндрю Фахи Колумбиядан Майами ва Нью-Йоркка кокаин олиб ўтишда ёрдам бергани учун 700 минг доллар пул олиши керак бўлган. Фахи ва Мейнард гиёҳванд моддалар контрабандаси ва пул ювишда айбланмоқда. 

Буюк Британия ташқи ишлар вазири Лиз Трасс мазкур воқеадан даҳшатга тушганини айтди. 

Трасс Британия Виргин ороллари губернатори билан мулоқот қилгани, губернатор зудлик билан вазирлар маҳкамаси йиғилишини чақиришга ваъда берганини маълум қилди.

Top