21:44 / 30.04.2022
8993
Ҳиндистонда Xiaomi компаниясининг 725 млн доллар маблағи мусодара қилинди 

Қайд этилишича, Xiaomi India шуъба компанияси хорижга ноқонуний пул ўтказмаларини амалга оширган. 

Фото: Getty Images

Ҳиндистон ҳукумати Xiaomi компаниясининг 725 млн доллар маблағини мусодара қилди. Бу ҳақда мамлакат молиявий жиноятларга қарши кураш бошқармаси хабар берди. 

Хабарда айтилишича, компания хорижга ноқонуний пул ўтказмаларини амалга оширган.

Бошқарма компания фаолиятини 2021 йил февралда текширишни бошлаганди. Тергов хулосасига кўра, Xiaomi India шуъба компанияси хориждаги учта ташкилотга ноқонуний равишда пул ўтказган.

«Бундай катта миқдордаги маблағ Хитойдаги бош компания кўрсатмаси билан ўтказилган»,— дейилади бошқарма баёнотида.

Ўтган йил декабрда компаниянинг Ҳиндистондаги бош офиси даромад солиғи тўламаганлик иши бўйича алоҳида текширувдан ўтказилганди.

Top