Qoʻshimcha funksionallar
-
Tungi ko‘rinish
Toshkentda ShHT turizm forumi bo‘lib o‘tadi
19-20 may kunlari Toshkentdagi “Hilton Tashkent City” mehmonxonasida Shanxay hamkorlik tashkilotiga a’zo davlatlarning turizm sohalari vakillari ishtirokida yig‘ilish bo‘lib o‘tadi. Tadbir O‘zbekiston Respublikasining 2022 yildagi ShHT sammitiga raisligi doirasida tashkil etilmoqda.
20 may kuni akademik va ishbilarmon doiralar, shuningdek, tashkilotga a’zo davlatlarning turizm sohasi vakillari ishtirokida “ShHTga a’zo davlatlar o‘rtasidagi hamkorlikning yangi bosqichi: turizm va madaniy meros” nomi ostidagi turistik forum bo‘lib o‘tadi.
Turizm va madaniy meros vazirligi matbuot xizmati xabariga ko‘ra, forum ishtirokchilari tomonidan xalqaro turizmning dolzarb masalalari, Shanxay Hamkorlik Tashkilotiga a’zo davlatlar madaniy merosini saqlash va targ‘ib qilish, shuningdek, turizm va madaniy meros sohasida ilmiy-texnikaviy hamkorlikni kengaytirish masalalari muhokama etiladi.
Yig‘ilishda turizm sohalari rahbarlari turistik sayohatlarni qayta tiklashni jadallashtirish bo‘yicha qo‘shma tashabbuslar, turizmning iqtisodiy o‘sish multiplikatori sifatidagi rolini oshiradigan yangi loyiha va dasturlarni ko‘rib chiqadi.
Bo‘lajak yig‘ilishlar kun tartibidan Turizm sohasida hamkorlikni rivojlantirish to‘g‘risidagi bitim va ShHTga a’zo davlatlar o‘rtasida muzey ishi sohasida hamkorlik to‘g‘risidagi memorandum loyihalarini muvofiqlashtirish ham o‘rin olgan.
Mavzuga oid
12:02 / 18.06.2026
“Shovqin va changdan zada bo‘ldik” – portlatish ishlari turizm qishlog‘iga tinchlik bermayapti
11:00 / 12.06.2026
O‘zbekistonda har yili “Ochiq turizm mavsumi” dasturi o‘tkaziladi
18:31 / 09.06.2026
AQSh sayyohlik va biznes vizalari uchun tezkor suhbat bo‘yicha pullik xizmatni yo‘lga qo‘yadi
22:50 / 03.06.2026