Bayden Vashingtonda Shvetsiya bosh vaziri va Finlandiya prezidentini qabul qiladi

AQSh prezidenti Jo Bayden 19 may kuni Oq uyda Shvetsiya bosh vaziri Magdalena Andersson va Finlandiya prezidenti Sauli Niinistyoni qabul qiladi.

Xabar qilinishicha, o‘zaro muloqot chog‘ida Finlyandiya va Shvetsiyaning NATOga a’zo bo‘lish to‘g‘risidagi arizalari muhokama qilinadi.

Shvetsiya hukumati 16 may kuni NATOga kirish uchun ariza berish to‘g‘risida qaror qabul qildi. Mamlakat bosh vazirining so‘zlariga ko‘ra, ariza yaqin kunlarda Finlandiya bilan birgalikda topshiriladi. 

Avvalroq Finlandiya parlamenti mamlakatning NATOga a’zo bo‘lishini ma’qullab ovoz bergandi.