O‘zbekiston global ma’lumotlar barometri reytingida 58-o‘rinni egalladi

Davlat statistika qo‘mitasi xabariga ko‘ra, mazkur reytingda 100dan ortiq mamlakatlar qatnashgan.

Qayd etilishicha, O‘zbekiston Respublikasi reytingda 32 ball to‘plab, 58-o‘rinni egalladi. 

Global ma’lumotlar barometrining asosiy modullarida:

O‘zbekiston "Ochiq ma’lumotlar tashabbusi"ni o‘z ichiga olgan "Imkoniyatlar" modulida 80 ball to‘plab, 8-o‘rinni egalladi;

mamlakatda ochiq ma’lumotlar siyosatini o‘z ichiga olgan "Boshqaruv" modulida O‘zbekiston 52 ball to‘plab, 19-o‘rinni egalladi.

Global ma’lumotlar barometri reytingida:

• 1-o‘rin — AQSh (68 ball);
• 2-o‘rin — Fransiya (66 ball);
• 3-o‘rin — Buyuk Britaniya (65 ball).