Motivatsion posterlar va bo‘sh ko‘chalar. Shimoliy Koreya koronavirusga qarshi qanday kurashyapti?

12 may kuni Shimoliy Koreya hukumati Pxenyanda koronavirusning “omikron” variantiga chalinish bilan bog‘liq ilk holatlar aniqlanganini xabar qildi – koronavirus 8 may kuni test topshirgan odamlarda aniqlangan.

Shundan keyin butun mamlakatda “maksimal favqulodda holat” joriy etilib, lokdaun e’lon qilindi. Bundan tashqari, mamlakatda aprel oyidan boshlab noma’lum bezgak ham tarqalgan.

Reuters agentligi Shimoliy Koreyada koronavirus bilan kurash qanday kechayotgani haqida fotosuratlarni jamladi. Suratlarda Shimoliy Koreya ko‘chalari bo‘m-bo‘sh ekani, pandemiyaga qarshi kurash tasvirlari aks etganini ko‘rish mumkin.

Mamlakatning ancha paytdan buyon yopiqligi, oziq-ovqat va tibbiy buyumlar tanqisligi sabab 25 mln aholining hayoti xavf ostida qolishi mumkinligi, bunday vaziyatda Shimoliy Koreya dunyoga ochilishi mumkinligi pronoz qilina boshlandi.

Shimoliy Koreya yetakchisi Kim Chen In armiyaning harbiy-tibbiy xizmatini dorixonalarni zarur dori-darmonlar bilan uzluksiz ta’minlashga jalb qilishni buyurgan.

Shimoliy Koreya tibbiyot xodimlari daryo, ko‘llar, maishiy oqova suvlarini ham koronavirusga qarshi sinovdan o‘tkazayotgani xabar qilindi.

Mamlakatda apreldan beri isitma bilan og‘rigan bemorlar soni 3,2 mlnga yetgan, 69 ta o‘lim holati qayd etilgan.