Donbassda janglar davom etmoqda. Frontning ikki tomonidan fotoreportaj

Urushning 99-kuni o‘tdi. Rossiya Xarkovni o‘qqa tutishda va Donbass shimolida yurish qilishda davom etmoqda. Zaporojye oblastining «yangi ma’muriyati» Ukrainaning regiondagi mulkini «milliylashtirish» haqida qaror chiqardi. Anadolu agentligi Rossiya, Ukraina, Turkiya va BMT ukrain portlaridan bug‘doy ortilgan kemalar chiqishini ta’minlash uchun «yo‘l xaritasi» tayyorlayotganini xabar qildi. Yevroittifoq sanksiyalarning oltinchi paketini qabul qildi. «Meduza» o‘tgan kunda frontning ikki tomonida olingan suratlarni e’lon qildi.

Germaniya kansleri Olaf Shols Berlinda Ukraina parlamenti spikeri Ruslan Shtevanchuk bilan ko‘rishmoqda
Michael Kappeler/dpa via AP

Urushning 100-kuni. Asosiy ma’lumotlar:

Rossiya va Ukraina o‘rtasidagi urushning 100-kuni boshlandi. «Meduza» manbalariga ko‘ra, rossiyaliklarda harbiylar shu muddat ichida ham oldinga qo‘yilgan vazifalarga erishilmagani bo‘yicha savollar tug‘ilmasligi uchun Kreml ta’siridagi nashrlarga bu sanaga e’tibor qaratmaslik bo‘yicha topshiriq berilgan.
Severodonetsk markazida hamon janglar davom etmoqda. Ukraina Xerson oblastida 20 ta aholi punkti ozod etilganini xabar qilgan.
Bugun Senegal prezidenti va Afrika ittifoqi raisi Maki Sall Vladimir Putin bilan uchrashadi. Uning yordamchisining so‘zlariga ko‘ra, u rossiyaliklar prezidentidan Ukrainadan bug‘doy va boshqa mahsulotlar yetkazib berilishiga qo‘yilgan to‘siqlarni olib tashlashni so‘ramoqchi.
Afrikaning ko‘plab mamlakatlari Ukraina va Rossiyadan oziq-ovqat mahsulotlari yetkazib berilishiga haddan tashqari qaram, rossiyaliklarning ukrain portlarini blokada qilishi ularni ocharchilik yoqasiga keltirib qo‘ygan. Shu bilan birga Afrikaning ko‘plab davlatlari bu urushda Ukrainani qo‘llab-quvvatlamayapti.

Quyida urushning 99-kunida olingan suratlar.

Xarkov