19:51 / 01.07.2022
8180
Еврокомиссия Украинани коррупцияга қарши курашни кучайтиришга чақирди

Фон дер Ляйен махсус антикоррупция прокуратураси ва миллий антикоррупция бюросига "имкон борича тезроқ" раҳбарлар тайинлашга чақирди.

Фото: Reuters

Еврокомиссия раиси Урсула фон дер Ляйен Украина ҳукуматини коррупцияга қарши курашни кучайтиришга чақирди.

Расмий Киев олиб борилган ислоҳотлар натижасида "ажойиб антикоррупцион механизм" ва тегишли институтлар яратди, аммо энди бу институтларга "иш олиб бориши учун имкониятлар ва масъул лавозимларда ишлайдиган тўғри одамлар" зарур, деди Еврокомиссия раиси.

Фон дер Ляйен махсус антикоррупция прокуратураси ва миллий антикоррупция бюросига "имкон борича тезроқ" раҳбарлар тайинлашга чақирди.

Бундан ташқари, у судяларни тайинлаш процедурасини қонун билан белгилаб қўйиш кераклигини таъкидлади.

Фон дер Ляйеннинг таъкидлашича, Украинада қабул қилинган олигархлар таъсирини камайтиришга қаратилган қонунни юридик жиҳатдан татбиқ қилиш керак. У шунингдек, Киевни Евроиттифоқ талабларига мос келадиган ОАВ тўғрисидаги қонунни қабул қилишга чақирди.

Top