To‘yida Putin bilan raqs tushgan Avstriya sobiq tashqi ishlar vaziri tahdidlar sababli mamlakatni tark etdi
Karin Knaysl 2017–2019 yillarda Avstriya tashqi ishlar vaziri lavozimida faoliyat yuritgan. U 2018 yilda to‘yiga Rossiya prezidenti Vladimir Putinni taklif qilgan. Putin to‘yda u bilan raqs tushgan.
Avstriya sobiq tashqi ishlar vaziri Karin Knaysl uni o‘ldirishlari mumkinligi haqidagi tahdidlardan so‘ng o‘z yurtini tark etdi, deb xabar berdi Washington Post gazetasi.
«Knaysl Washington Post muxbiriga yo‘llagan xabarida intervyu bermasligi va «o‘ldirish bilan tahdid qilishgani» uchun Avstriyani tark etganini ma’lum qilgan», — deyiladi gazeta xabarida.
Knaysl 2017–2019 yillarda Avstriya tashqi ishlar vaziri lavozimida faoliyat yuritgan. U 2018 yilda Volfgang Maylinger bilan turmush qurgan va to‘yiga Rossiya prezidenti Vladimir Putinni taklif qilgan. Putin to‘yda bir soatga yaqin vaqt qatnashgan va kelin bilan raqs tushgan.
Knaysl 2021 yil iyunda «Rosneft» direktorlar kengashi tarkibiga kirgan. Ammo bir yilcha vaqtdan so‘ng kengashni tark etgan.
Mavzuga oid
12:58 / 27.06.2024
Rossiya Avstriyaning ORF media-kompaniyasi byurosi rahbarini mamlakatdan chiqarib yubordi
14:49 / 02.04.2024
Rossiya josusligi sababli Avstriyada milliy xavfsizlik kengashi chaqiriladi
14:05 / 06.03.2024
Avstriyada tezlikni oshirgani uchun avtomobil musodara qilindi
09:00 / 04.03.2024