Jahon | 20:11 / 06.07.2022
9212
1 daqiqa o‘qiladi

Germaniyada AQSh boshchiligida NATO mashg‘ulotlari o‘tkaziladi

Mashg‘ulotlarda AQSh armiyasidan 1800 nafarga yaqin, Buyuk Britaniya, Germaniya, Gruziya, Italiya, Polsha, Turkiya, Finlandiya, Fransiya, Estoniya va boshqa mamlakatlardan 1200 nafar harbiylar ishtirok etadi. 

Foto: Reuters

AQShning Yevropa va Afrikadagi qo‘mondonligi Germaniyada NATOga a’zo 19 mamlakat va alyans hamkorlarining 3 mingga yaqin harbiy xizmatchilari ishtirokida 24 iyulgacha davom etadigan Dynamic Front mashg‘ulotlarini boshlaydi

Mashg‘ulotlarda ishtirok etadiganlarning 1800 nafarga yaqinini AQSh armiyasi, qolgan 1200 nafarini Buyuk Britaniya, Germaniya, Gruziya, Italiya, Polsha, Turkiya, Finlandiya, Fransiya, Estoniya va boshqa mamlakatlar harbiylari tashkil etadi. 

18-23 iyul kunlari Bavariyadagi Grafenvyor poligonida o‘q otish mashg‘ulotlarini o‘tkazish rejalashtirilgan. Mashg‘ulotlarga NATO mamlakatlarining 80ga yaqin artilleriya tizimlari jalb etiladi. 

Yevropada Dynamic Front mashg‘ulotlari 2015 yildan buyon o‘tkazib kelinadi.

Mavzuga oid