Olti nafar nomzod Britaniya bosh vazirligiga saylovlarning ikkinchi turiga o‘tdi
Sobiq tashqi ishlar vaziri Jyeremi Hant va moliya vaziri Nadim Zaxaviy saylovlarning ikkinchi turiga o‘ta olmadi.
Olti nafar nomzod Buyuk Britaniya bosh vazirligiga saylovlarning ikkinchi turiga o‘tdi. Bu haqda konservativ partiya boshqaruv qo‘mitasi rahbari Grem Breydi ma’lum qildi.
Uning so‘zlariga ko‘ra, Jyeremi Hant va Nadim Zaxaviy saylovlarning ikkinchi turiga o‘ta olmagan.
Birinchi turda eng ko‘p ovozni Rishi Sunak va Penni Mordont olgan.
Ovoz berishning birinchi turiga sobiq moliya vaziri Rishi Sunak, tashqi ishlar vaziri Liz Trass, moliya vaziri Nadim Zaxaviy, sobiq tashqi ishlar vaziri Jyeremi Hant, xalqaro savdo bo‘yicha vazir o‘rinbosari Penni Mordont, jamoat palatasi qo‘mitasi raisi Tom Tugendhat, Angliya va Uels bosh prokurori Suell Braverman hamda ayollar va tenghuquqlilik ishlari bo‘yicha vazir o‘rinbosari Kemi Badenok o‘tgandi.
Qolgan turlar ikki nafar nomzod qolmagunicha davom etadi.
Shundan so‘ng bugungi kunda 200 ming nafarga yaqin a’zoga ega partiyaning barcha a’zolari ikki nafar "finalchi" orasidan g‘olibni aniqlaydi. Ovoz berish pochta orqali o‘tkaziladi.
Mavzuga oid
11:50
Shri-Lankada so‘l kuchlar vakili prezident etib saylandi
15:00 / 21.09.2024
Siyosiy partiyalar saylovoldi tashviqotiga oid odob-axloq qoidalarini imzoladi
11:50 / 21.09.2024
Gurjistonda saylovlardagi qonunbuzarliklar YeI bilan vizasiz rejimga tahdid solishi mumkin
20:54 / 20.09.2024