19:31 / 13.07.2022
218105

“O‘zbekistonning silikon vodiysini quryapmiz” - ayti ta’lim giganti

32 yoshli Odilbek talabalik yillarida Milliy xavfsizlik xizmati xodimi bo‘lishni orzu qilardi, lekin uni ishga qabul qilishmaydi. Bir muddat davlat tashkilotlarida ishlab yurgan qahramonimiz bugun katta dasturlash akademiyasining asoschisi. Hozirda salkam 5 mln dollarga xususiy universitet ham ochyapti. Business Class'ning yangi soni kengayib borayotgan biznes – “PDP vodiysi” haqida.

PDP Academy 5 yildan beri O‘zbekistonda malakali ayti mutaxassislarni tayyorlab, ishga joylashishlariga yordam berib keladi. Akademiya bitiruvchilari EPAM, Exadel, Apelsin, Payme kabi nufuzli kompaniyalarda faoliyat yuritadi.

PDP'ni hozirgacha 2 mingga yaqin talaba bitirgan va har 10 bitiruvchidan 9 nafari ish bilan ta’minlangan.

Ko‘rsatuv davomida brend asoschisi Odilbek Mirzayev PDP akademiyasining afzalliklari, talablar, kelajakdagi rejalar va bu loyiha O‘zbekistonda ayti sohasida mutaxassislarni shakllantirishning yangi bosqichi bo‘lishi haqida so‘zlab berdi.

Uning aytishicha, PDP Academy ayti mutaxassislari uchun faqatgina kerakli fanlarni o‘z ichiga olgan xalqaro dastur bo‘yicha yetuk mutaxassislar tayyorlashni o‘z oldiga maqsad qilib qo‘ygan.

PDP uchun ayti yo‘nalishi faqat boshlang‘ich bilimni beruvchi joy emas, to‘laqonli ayti universitet hisoblanadi: u oliygoh maqomini tasdiqlovchi tegishli litsenziyaga ega.

Oliygohda darslarni katta tajribaga ega mahalliy va xalqaro ustozlar olib boradi. Ustozlar nafaqat ilmli nazariyotchi, balki o‘zlari ayti kompaniyalarda faoliyat yurituvchi amaliyotchi mutaxassislar hamdir.

PDP Academy'da xalqaro ta’lim texnologiyasi va qo‘llanmalari orqali bilim olish mumkin. AQSh va Buyuk Britaniya kabi 50dan ortiq davlat va 100ta universitetda tan olingan Pearson BTEC o‘quv dasturi talabalarga yuqori sifatli akademik ta’lim bilan bir qatorda, amaliy ko‘nikmalar berishga mo‘ljallangan.

Talabalar mahalliy va xorijiy hamkor kompaniyalarda hamda xususiy startap loyihalarda amaliyot o‘tash hamda kurs yakunida kamida 500 dollarlik maosh bilan ishlash imkoniyatini qo‘lga kiritadilar. Saralangan talabalarga esa AQSh, Buyuk Britaniya, Avstraliya, Kanada va boshqa rivojlangan mamlakatlarning 200dan ortiq universitetlari bilan almashinuv dasturi bo‘yicha o‘qish imkoniyati beriladi.

Ekotizim ayti mutaxassisning sohaga birinchi qadamidan boshlab to yetuk mutaxassis bo‘lishigacha kerak bo‘ladigan barcha imkoniyatlar bilan ta’minlaydi. Unga autsors kompaniya, frilanserlar uyushmasi, ishga joylashish bo‘yicha ko‘mak markazi, startap akselerator va boshqalar kiradi. Ilg‘or akademik ta’lim va PDP ekotizimidagi real loyihalariga jalb etish natijasida PDP University bitiruvchilari Middle, Middle+ darajasidagi mutaxassisga aylanishlari ko‘zda tutilgan.

Ijodiy jamoa:
Eldor Abdulvohid
Nuriddin Nursaidov
Abzal Tillaxo‘jayev
Ibrohim Samatov
Afzalbek Muhammadjonov

PDP Academy bilan aloqa:

+998 78 777 47 47

Top