Mehribonlik uyi tarbiyalanuvchilari uchun tibbiyot OTMda qancha imtiyozli kvota ajratilgani ochiqlandi

Mehribonlik uyi tarbiyalanuvchilari uchun tibbiyot oliy ta’lim muassasalarida qancha imtiyozli kvota ajratilgani haqida ma’lumot berildi. Bu haqda O‘zA yozmoqda.

Abituriyentlarni qabul qilish umumiy soniga nisbatan Mehribonlik uyi va Bolalar shaharchasi bitiruvchilari bo‘lgan chin yetimlar, SOS-bolalar mahallalari va oilaviy bolalar uylari bitiruvchilari, vasiylikka, homiylikka yoki oilada tarbiyaga olingan (25 yoshga to‘lmagan) yetim bolalar uchun qo‘shimcha bir foizli davlat granti asosidagi qabul ko‘rsatkichlari oliy ta’lim muassasalari va ta’lim shakllari kesimida tasdiqlandi.

Qayd etilishicha, mazkur toifaga kiruvchi abituriyentlar uchun respublika bo‘yicha jami 1 809 ta kvota ajratilgan bo‘lsa, ularning 1 230 tasi kunduzgi, 446 tasi sirtqi, 99 tasi kechki, 34 tasi masofaviy ta’lim yo‘nalishlariga oid. 

Tibbiyot yo‘nalishidagi 11 ta oliy ta’lim muassasasida ham ushbu toifa uchun imtiyozlar ko‘zda tutilgan.