2022 yil birinchi yarmida sudlangan shaxslar soni 28 mingdan oshdi

Oliy sud axborot xizmati ma’lum qilishicha, 468 nafar shaxs oqlandi va reabilitatsiya qilindi.

Sudlangan shaxslar soni 28 736 nafarni tashkil etib, shundan 8 929 nafar shaxsga ozodlikdan mahrum qilish va 19 070 nafariga boshqa turdagi jazolar tayinlandi, 737 nafar shaxs shartli hukm qilindi. 

Sudlangan shaxslarning 25 564 nafari erkak, 5 945 nafari ayol, 11 695 nafari yoshlar (shu jumladan 971 nafari voyaga yetmagan) va 854 nafari 60 yoshdan oshgan shaxslar.

Yarashuv institutining samarali qo‘llanilishi natijasida 7 785 nafar shaxs jinoiy javobgarlikdan ozod etildi.

Yetkazilgan 633 mlrd so‘mdan ziyod moddiy zararning o‘rnini qoplagan 4 238 nafar shaxsga nisbatan ozodlikdan mahrum qilish bilan bog‘liq bo‘lmagan jazo tayinlangan.

11 696 ta jinoyat ishi, ya’ni barcha ishlarning qariyb 39,3 foizi sayyor sud majlislarida ko‘rib chiqildi.