Korrupsiyaga qarshi kurashish agentligiga kelib tushgan murojaatlarni o‘rganishda 30,4 mlrd so‘mlik moliyaviy xato va kamchilik aniqlangan. Bu haqda Korrupsiyaga qarshi kurashish agentligi axborot xizmati rahbari Durdona Ochilova ma’lum qildi.
Foto: AOKA
Qayd etilishicha, murojaatlar asosida qonun hujjatlariga zid ravishda chiqarilgan 9 ta hujjat bekor qilingan.
Agentlik tomonidan taqdim etilgan hujjatlarga asosan huquqni muhofaza qiluvchi organlar tomonidan 7 ta jinoyat ishi, 4 ta ma’muriy javobgarlik va 2 ta intizomiy javobgarlik to‘g‘risidagi ishlar qo‘zg‘atilgan.
Davlat xaridlariga oid qonun talablariga rioya qilinishi yuzasidan jami 10 ta vazirlik, idora va tashkilotda o‘tkazilgan o‘rganishlarda 1 143 ta holatda 48,5 mlrd so‘mlik moliyaviy xato va kamchiliklar aniqlandi.
