Nogironligi bo‘lgan yoshlarga 15 mln so‘mgacha subsidiya ajratiladi

Qayd etilishicha, subsidiya 2 ta yo‘nalishda ajratiladi: nogironligi bo‘lgan yoshlarga o‘qish, yashash va transport xarajatlarini qoplash uchun; nogironligi bo‘lgan yoshlarga asbob-uskunalar va mehnat qurollarini xarid qilish uchun.

Bildirilishicha, quyidagi yo‘nalishlarda o‘qish mumkin:

xorijiy tillar (ingliz, nemis, fransuz, ispan, italyan, turk, koreys, yapon, xitoy, arab, fors, hind, pushtu, dariy);

umumta’lim fanlari (ona tili va adabiyot (o‘zbek tili va adabiyoti, qoraqalpoq tili va adabiyoti), rus tili va adabiyoti, tarix, kimyo, biologiya, geografiya, matematika, fizika, informatika);

zamonaviy kasblar (veb dasturlash, grafik dizayn, moushn grafika, dijital marketing, SMM va kasbiy ko‘nikmalarni shakllantirishga xizmat qiladigan shu kabi sohalar).

Shuningdek, quyidagi asbob-uskunalarni olish mumkin: motokultivatorlar, o‘t o‘rish o‘roq mashinalari, perforatorlar, payvandlash apparatlari, o‘simliklarga ishlov berish qurilmalari, duradgorlik, chilangarlik, qurilish uskunalari, kompyuter jamlanmasi va boshqalar.