O‘zbekiston 7 oyda 1,3 mln tonna sement import qilgan. Bu haqda Davlat statistika qo‘mitasi ma’lumot berdi.
Foto: Getty Images
Qo‘mita xabariga ko‘ra, 2022 yilning yanvar-iyul oylarida O‘zbekistonga qiymati 52,5 mln AQSh dollariga teng bo‘lgan 1,3 mln tonna sement import qilingan.
Qayd etilishicha, sement importi hajmi o‘tgan yilning mos davri bilan solishtirilganda 421 ming tonnaga kamaygan.
2022 yilning 7 oyida O‘zbekiston sement import qilgan asosiy davlatlar:
- Tojikiston – 533 ming tonna;
- Qirg‘iziston – 385 ming tonna;
- Qozog‘iston – 353 ming tonna;
- Turkmaniston – 11,5 ming tonna;
- Eron – 6,7 ming tonna;
- Xitoy – 1,4 ming tonna;
- Rossiya – 782 tonna.
