Xususiy mulk huquqini himoya qilish usullari ma’lum qilindi

Foto: Depositphotos

Xususiy mulk huquqini himoya qilish bir qator yo‘llar bilan amalga oshiriladi. Bu haqda “Huquqiy axborot” kanali yozmoqda.

Qayd etilishicha, ular quyidagicha:

xususiy mulk huquqini tan olish;
xususiy mulk huquqi buzilishidan oldingi holatni tiklash va xususiy mulk huquqini buzadigan yoki buzilishi xavfini tug‘diradigan harakatlar oldini olish;
bitimni haqiqiy emas deb topish va haqiqiy emasligi oqibatlarini qo‘llash;
davlat organi va boshqa organ yoki fuqarolar o‘zini o‘zi boshqarish organi hujjatini haqiqiy emas deb topish;
xususiy mulk huquqini mulkdor o‘zi himoya qilishi;
burchni aslicha (natura) bajarishga majbur qilish;
zarar o‘rnini qoplash;
neustoyka undirish;
ma’naviy ziyonni qoplash;
xususiy mulk huquqi munosabatlarini tartibga solishda qonunchilik barqarorligini ta’minlash;
davlat organi va boshqa organ yoki fuqarolar o‘zini o‘zi boshqarish organi qonunga zid bo‘lgan hujjati sud tomonidan qo‘llanilmasligi;
mol-mulk ayrim turlariga bo‘lgan xususiy mulk huquqi vujudga kelganini, o‘zgarganini va bekor qilinganini davlat ro‘yxatidan o‘tkazish.