O‘zbekiston meva va sabzavotlarni asosan Qozog‘istonga sotyapti

Davlat statistika qo‘mitasi ma’lumotlariga ko‘ra, O‘zbekiston 2022 yil 5 oyida eng ko‘p meva va sabzavot mahsulotlarini eksport qilgan davlatlar orasida Qozog‘iston yetakchilik qilyapti – 447,3 ming tonna.

Keyingi o‘rinlardan mos ravishda 253,5 ming tonna meva va sabzavot mahsulotlari sotilgan Rossiya va 93,3 ming tonna mahsulot yetkazib berilgan Qirg‘iziston joy oldi.

Ushbu ko‘rsatkich qolgan davlatlar kesimida quyidagicha:

• Xitoy – 56 ming tonna;
• Afg‘oniston – 23,2 ming tonna;
• Belarus – 16,6 ming tonna;
• Tojikiston – 12,4 ming tonna;
• Pokiston – 8,9 ming tonna;
• Eron – 8,2 ming tonna;
• Turkiya – 8 ming tonna;
• Ukraina – 5,3 ming tonna;
• Gruziya – 5,2 ming tonna;
• Ozarboyjon – 4,3 ming tonna;
• BAA – 3,3 ming tonna;
• Germaniya – 1,7 ming tonna.