23:37 / 29.09.2022
9914

Xitoyda chiplar ishlab chiqarishdagi korrupsiya ishi bo‘yicha tekshiruv boshlanganidan so‘ng 12 nafar amaldor g‘oyib bo‘ldi 

Xitoy kommunistik partiyasining korrupsiyaga qarshi bo‘limi bir nechta yuqori martabali amaldorlarni hibsga olgan. 

Foto: Reuters

Xitoyda yarimo‘tkazgichlar sohasiga davlat investitsiyalarini kiritish fondidagi korrupsiya faktlari bo‘yicha surishtiruv boshlanganidan so‘ng kamida 12 nafar amaldor omma ko‘z o‘ngidan yo‘qoldi, deb yozadi Financial Times gazetasi. 

Gazetaning xabar berishicha, Xitoy kommunistik partiyasining korrupsiyaga qarshi bo‘limi bir nechta yuqori martabali amaldorlarni hibsga olgan.

«Oxirgi uch oy ichida kamida 12 kishi, jumladan, fond boshqaruvchilari, kompaniyalar rahbarlari va bir nafar vazir tergovga tortilgan va jamoatchilik ko‘z o‘ngidan g‘oyib bo‘ldi. Ularning barchasi mikrosxemalar sanoatiga aloqador bo‘lgan», — deyiladi xabarda.

Qayd etilishicha, sohani rivojlantirish uchun ajratilgan investitsiyalar bo‘yicha korrupsiya holatlari izlanmoqda. Investitsiyalar miqdori 340 mlrd yuan (47 mlrd dollar) deb baholangan.

Gazeta manbasining so‘zlariga ko‘ra, «sohada hech narsani tushunmaydigan» davlat xizmatchilari korrupsion sxemalarni yo‘lga qo‘ygan. 

Top