O‘zbekistonda xorijlik sayyohlar uchun charter poyezdi yo‘lga qo‘yilmoqda

Xorijlik sayyohlar uchun O‘zbekiston bo‘ylab turistik charter poyezdi yo‘lga qo‘yilmoqda.

Foto: Dunyo

Joriy yil 7-18 oktabr kunlari Germaniyaning Lernidee Erlebnisreisen sayyohlik kompaniyasi va «O‘zbekiston temir yo‘llari» hamkorligida xalqaro turizmni rivojlantirish maqsadida Orient Silk Road Express nomli sayyohlik charter poyezdi harakatlanishi yo‘lga qo‘yilmoqda.

Poyezd Olmaota – Toshkent – Qamashi – Kitob – Samarqand – Xiva – Buxoro – Xo‘jand – Toshkent yo‘nalishi bo‘yicha harakatlanadi.

Mazkur charter poyezdi Fransiya, Niderlandiya, Belgiya, AQSh, Germaniya, Avstriya, Buyuk Britaniya va Kanada davlatlaridan kelgan sayyohlarga xizmat ko‘rsatadi.