AEXA: Eron uranni boyitish ishlarini kuchaytirmoqda

Netenzdagi yerosti inshootida IR-6 sentrifugalarining kaskadlari ishga tushirildi, deb ma’lum qildi AEXA.

Foto: DW

Yadroviy kelishuvni tiklash bo‘yicha xalqaro sa’y-harakatlar fonida Eron uranni boyitishni kuchaytirmoqda, deb xabar berdi Reuters 11 oktyabr, seshanba kuni Atom energiyasi bo‘yicha xalqaro agentlik (AEXA) hisobotiga tayanib.

Qayd etilishicha, Netenzdagi yerosti inshootida yaqinda o‘rnatilgan uchta IR-6 sentrifuga kaskadi ishga tushirildi, rejalashtirilgan 12 ta sentrifugadan tashqari yana uchta kaskad ishga tushiriladi.

Kaskadlar - bir-biriga bog‘langan sentrifugalar - yadroviy qurol ishlab chiqarish uchun mos bo‘lgan uran izotoplari konsentratsiyasini oshirishga imkon beradi.

2015 yilgi xalqaro yadroviy kelishuv Eronning yadroviy qurol ishlab chiqarishiga yo‘l qo‘ymaslik uchun tuzilgan. Tehron hukumati bu kabi rejalarni rad etib, yadroviy qurolga ega bo‘lish o‘z siyosatiga zid ekanini bildirgan.

AQSh prezident Donald Tramp davrida - 2018 yilda yadroviy kelishuvdan bir tomonlama chiqib ketgan va Eronga qarshi sanksiyalarni qayta joriy qilgan. Shundan keyin Tehron ushbu hujjatning barcha shartlarini bajarishdan bosh tortdi.

#Eron #uran