11:58 / 24.10.2022
10973
Қарши шаҳрида аммасининг уйига бориб қотилликка қўл урган 18 ёшли йигитга суд ҳукм ўқилди

Суд ҳукмига кўра аммаваччасининг қотилига айланган йигит 12 йил озодликдан маҳрум қилиш жазосини олган.

Видеодан кадр

2022 йил 31 май куни номаълум шахс Қарши шаҳридаги Комилон” МФЙда жойлашган хонадонлардан бирига босқинликка киргани ва 1995 йилда туғилган йигитни ўлдириб чиқиб кетгани ҳақида хабарлар тарқалди.

Вилоят прокуратураси томонидан ўтказилган суриштирувларда босқинчилик ва қотилликни 11-синф ўқувчиси содир этгани аниқланган.

Маълум бўлишича 2004 йилда туғилган йигит ўз аммасининг уйига босқинчиликка тушган ва аммаваччасини ўлдирган.

Қарши шаҳар прокуратураси томонидан гумонланувчи О.Д.га нисбатан Жиноят кодексининг 97-моддаси 2-қисми (оғирлаштирувчи ҳолатда қасддан одам ўлдириш) билан жиноят иши қўзғатилиб, процессуал тартибда ушланганди.

Nasaf TV’да хабар берилишича, Жиноят ишлари бўйича Қарши шаҳар судида ўтказилган суд мажлисида судланувчига ҳукм ўқилган. Судья айбланувчининг жиноятни вояга етмасдан аввал содир этгани, қилмишига пушаймонлиги ҳамда жабрланувчи томон даъвосидан воз кечганини инобатга олиб, унга 12 йилга озодликдан маҳрум этиш жазосини берган.

Top