Kiyev: Rossiya urush boshlangandan beri 4,5 mingta raketa zarbalari berdi
Urush boshlanganidan beri Rossiya Ukraina hududiga 4500 ta raketa zarbasi berdi va 8000 dan ortiq havo hujumini amalga oshirdi, dedi Ukraina prezidenti Volodimir Zelenskiy kundalik videomurojaatida.
Unga ko‘ra, so‘nggi ikki kun ichida 30 ta dron ham uchirilgan, ulardan 23 tasi urib tushirilgan.
Bundan tashqari, X-59 raketasi, ikkita Ka-52 hujum vertolyoti va Su-25 hujumchi samolyoti yo‘q qilindi.
Avvalroq Ukraina prezidenti Volodimir Zelenskiy Rossiyaning mamlakat energetika tizimiga zarbalarini misli ko‘rilmagan, deb atagandi.
«Rossiyalik terrorchilar bizning energetika sohamiz uchun shunday og‘ir sharoitlarni yaratib berishdiki, Yevropada hech kim buni shunchaki ko‘rmagan yoki uchratmagan. Mutaxassislarimiz hozirda yengib o‘tishga majbur bo‘layotgan tahdidlar avval yo‘q edi», - dedi u kechki videomurojaatida.
Zelenskiyning so‘zlariga ko‘ra, «Ukrainaning ko‘plab shahar va viloyatlarida elektr ta’minotida favqulodda uzilishlar kuzatilmoqda, energiya sarfini cheklash zarur».
«Ammo barchamiz bir narsani yodda tutishimiz kerak: energetika sohasida ham Rossiya ustidan g‘alaba qozonish lozim», — deya qo‘shimcha qildi u.
Mavzuga oid
09:50 / 02.10.2024
Kiyev UQK harbiylarining RF askarlari tomonidan o‘ldirilishini tergov qilmoqda
12:30 / 30.09.2024
Kiyev Bernni XXR «tinchlik tashabbusini» qo‘llab-quvvatlagani uchun tanqid qildi
10:30 / 30.09.2024
GFR kanslerligiga nomzod: Kiyev uchun g‘alaba - hududlar nazorati
09:30 / 26.09.2024