Favqulodda vaziyatlar vazirining “Favqulodda vaziyatlar vazirligi tizimiga kontrakt bo‘yicha harbiy xizmatga nomzodlarni saralash tartibi to‘g‘risidagi nizomni tasdiqlash haqida”gi buyrug‘i loyihasi e’lon qilindi.
Buyruq Favqulodda vaziyatlar vazirligi tizimiga kontrakt bo‘yicha harbiy xizmatga nomzodlarni saralash tartibini belgilaydi.
Nomzodlarni kontrakt bo‘yicha harbiy xizmatga saralash tadbirlari quyidagi bosqichlarni o‘z ichiga oladi:
- dastlabki o‘rganish (hujjatlarni yig‘ish va o‘rganish, suhbat);
- jismoniy tayyorgarlik darajasini baholash;
- psixologik o‘rganish (nomzodlar intellektual rivojlanganlik darajasi va psixoemotsional barqarorligini baholash);
- tibbiy ko‘rik;
- muvofiqlashtirishdan o‘tkazish yoki maxfiy ma’lumotlar bilan ishlash uchun ruxsatnoma rasmiylashtirish.
Nizom qabul qilinishi saralash tadbirlari o‘tkazilishi huquqiy asosi hisoblanib, tadbirlar shaffoflik, ochiqlik va tenglik tamoyillarida o‘tkazilishini ta’minlaydi, bu vazirlik tizimiga munosib nomzodlarni tanlab olish imkonini beradi.
Saralash tadbirlaridan muvafaqqiyatli o‘tgan nomzodlar Favqulodda vaziyatlar vazirligi tizimiga kontrakt asosida haqiqiy harbiy xizmatga qabul qilinadi.
