Germaniya qiyin ahvolda, yaponlarda harakiri. Kun öyinlari
|20:05 / 28.11.202233 62821 min
Qatardagi jahon çempionatining sakkizinçi kunidagi asosiy voqealar, gollar va guruhlarda yuzaga kelgan vaziyat.
Foto: ReutersFoto: Reuters
Ikki grand Qatarda sifatli öyin körsatişdi, lekin ğolib aniqlanmadi.
JÇ-2022. 2-tur. Ye guruhi
Ispaniya — Germaniya 1:1 Gollar: Morata (62) — Fullkrug (83).
Ispaniya – Simon, Karvaxal, Laport, Rodri, Alba (Balde, 82), Buskets, Pedri, Gavi (Uilyams, 66), Olmo, Asensio (Koke, 66), Ferran Torres (Morata, 54).
Germaniya – Noyyer, Kerer (Klostermann, 70), Ryudiger, Zyule, Raum (Şlotterbek, 87), Gundöğan (Sane, 70), Goretska, Kimmix, Myuller (Fyullkrug, 70), Gnabri (Hofmann, 85), Musiala.
Ogohlantirişlar: Kerer (37), Buskets (44), Goretska (58), Kimmix (60).
Guruh bosqiçining asosiy bahsi
2010 va 2014 yilgi jahon çempionlari jangi bu çempionat guruh bosqiçidagi eng asosiy öyin bölişi tayin edi. Turnirda boşqa bunday afişani topib bölmaydi: Ispaniyaning Germaniya bilan öyini — ham klassika, ham zamonaviylik.
Qur’a taşlanganidan keyin köpçilik bu jamoalar pley-offga osonlik bilan yöl olişini taxmin qilgandi, çunki Yaponiya va Kosta-Rika bu titanlar fonida mitti jamoalar bölib körinadi. Ammo osiyoliklar nemislarni mağlub etib, dastlabki turda katta şov-şuv kötarişdi, Ispaniya esa kostarikaliklarni 7:0 hisobida mağlub etib, turnirning eng yirik hisobini qayd etdi. Bu natijalar esa Ispaniya va Germaniya qarama-qarşiligida intrigani yanada kuçaytirdi.
Hansi Flik jamoasi bu öyinda oçko olişi şart edi. Yaponlarga qarşi öyinning ikkinçi bölimidagi sustkaşlik reaksiya körsatişni talab etardi. Va bundestim murabbiylar ştabi vaziyatga töğri yondaşdi: boşlanğiç tarkibda atigi ikki özgariş amalga oşirildi, ammo bunga qöşimça ravişda uç futbolçi pozitsiyasini özgartirdi. Zyule özi könikkan himoya markaziga qaytdi, Gundöğan «önlik» pozitsiyasiga kötarildi, Myuller eng kuçli davrlaridagi kabi yagona markaziy forvardga aylandi.
Pressing hukmronligi
Birinçi bölim Flik nima uçun bunday transformatsiyaga qöl urganini körsatdi. Yaponiyaga qarşi öyinda nemislar deyarli pressing uyuştirmagandi — sababi töp asosan ularda bölgandi. Avvalgi turda mingdan ortiq uzatma amalga oşirgan Ispaniyaga qarşi öyinda esa maşhur nemisça pressingni namoyiş etiş talab etilardi. Va Myuller Haversdan köra yaxşiroq bosim uyuştirdi, raqibning zaif nuqtalarini qidirdi, jamoaning hujum çiziğidagi boşqa vakillari uning ortidan ergaşdi. Germaniya birinçi bölimda raqibning har bir futbolçisini yopa oldi va bir neça bor ularni xato qilişga majbur etdi — bu örinda Unai Simonning dahşatli pasini eslaş mumkin, bu vaziyatda Gnabri hisobni oçişiga bir baxya qoldi.
Mavzuga oid
Ammo Germaniya bilan barçasi tuşunarli. Flik boşqaruvidagi «Bavariya» intizomli pressing evaziga ham Yevropani zabt etgandi va milliy jamoa bu modelni muvaffaqiyatli özlaştirgan. Ispaniyaning töpsiz holatdagi tajovuzkor öyini esa — köp jihatdan syurpriz böldi. Kosta-Rika bilan öyinda yuqori bosim ötkaziş kerak bölgan raqibning özi yöq edi, ammo bu öyinda Luis Enrike nemislarni kuçli pressing bilan hayron qoldirdi. Uning sxemasi biroz boşqaçaroq, ammo mohiyat özgarmaydi, natijada — Germaniya termasi himoyaçilari tez-tez noaniq uzatmalar bera boşladi, bir safar esa Noyyer töpni Olmoning oyoğiga aniq taşlab berdi.
Morataning çiqişi
Vaziyatlar yetarliça böldi. Olmo 7-daqiqada çiroyli zarba bergandi, ammo nemislar sardori töpni tösin ostidan olib çiqdi. Albaning öng oyoqda yöllagan zarbasi ham yomon çiqmadi, ikkinçi darvoza atrofida esa Gnabri faol böldi. Ryudiger esa töpni darvozaga joylaşga va golni nişonlaşga ham ulgurdi, ammo bu gol ofsayd tufayli bekor qilindi.
Tanaffusga qadar tabloda bu safargi jahon çempionati uçun odatiy bölgan nollar yonib turdi, ammo bu öyin baribir boşqa köp öyinlardan bir muhim jihati — sifatli ekani bilan ajralib turdi. Öyin sur’ati yuqori edi, şu tufayli gollar ham kelişi muqarrar edi.
Bu gollar urilişi uçun murabbiylar öyinçilarni almaştirişi kifoya böldi. Luis Enrike birinçi bölib yuriş qildi: Morata Kosta-Rika bilan öyindagi kabi ikkinçi bölim boşlarida maydonda paydo böldi va bu safar ham gol urdi. «Atletiko» forvardi uçun klassik gol: jarima maydonida oçiliş, himoyaçini ortda qoldiriş va töpni böş darvoza sari yönaltiriş. Bu golda Busketsning xizmatini ham e’tirof etiş kerak — aynan u çap tomonga kesib ötuvçi pasi bilan gol öylab topdi.
Mantiqiy durang
Flik öyinçi almaştirişni 70-daqiqalarga qadar keçiktirdi, ammo futbolçi tuşirişda aniq harakat qildi. Sane ham, Klostermann ham qanotlarda öyinni jonlantirdi, Fyullkrug esa hisobni tenglaştiruvçi golni urdi. «Verder» hujumçisi — bundestim safidagi eng nouneym futbolçi, lekin u jamoadagi ikki klassik markaziy forvarddan biri (ikkinçisi 18 yoşli Mukoko). Aynan Fyullkrug Musialaning pasidan keyin hisobni 1:1 körinişiga keltirdi — bu juda «eskiça» uslubdagi gol bölişi mumkin, ammo Germaniya uçun juda muhim gol böldi.
Ispaniya finişda yanada qiynaldi. Qöşimça daqiqalar davom etayotganda Sane çap qanotda tezlik olib, jarima maydoniga yorib kirdi va gol urişi mumkin edi. Ammo u darvozabonni ham aldab ötişga qaror qildi va töpni uzoqlaştirib yubordi, hisob özgarmay qoldi, 1:1 — lekin bu maydondagi voqealarga mos hisob.
Germaniya guruhda oxirgi örinda qolmoqda, lekin jamoa Kosta-Rika bilan bahsda ikki gol farqi bilan ğalaba qozonib, pley-offga çiqişi mumkin, buning uçun Ispaniya Yaponiyaga mağlub bölmasligi talab etiladi. Luis Enrike şogirdlari esa tört oçko va +7 körinişidagi töplar nisbati bilan ança xotirjam tortişi mumkin.
Kosta-Rika Ispaniya bilan öyindagi 0:7 hisobidan sinib qolmadi. Yaponiyani mağlub etdi va pley-off uçun imkoniyat saqlab qolindi
Jahon çempionatida iştirok etayotgan jamoalarning köpçiligida qandaydir tamğa böladi. Masalan, jahon çempionlari tavqi la’nati bor: JÇ-2010 turniridan buyon uç mundialda amaldagi çempionlar guruhdan çiqa olmagan. Yoki Meksika termasini olaylik, ular qatorasiga yetti mundialda pley-offga çiqişgan, ammo 1/8 finaldan uyoğiga öta olişmagan.
Yaponiyaning ham öz tarixi bor. Ular qatorasiga yettinçi jahon çempionatiga taşrif buyurişdi, şu turnirgaça ularda bir an’ana bor: ular bir turnirda pley-offga çiqsa, keyingisida guruhda qolib ketişadi. Bu davomiylikka köra, JÇ-2022 turniri yaponlar uçun guruh bosqiçida yakunlanişi kerak. Qur’ada Ispaniya va Germaniya raqib bölganidan keyin, voqealarning bunday ehtimoliy rivoji maksimal darajada reallaşdi.
Ammo JÇ-2022 har qanday statistik qonuniylikni çippakka çiqarmoqda. Fransiya amaldagi jahon çempionlari tavqi la’natini yengib ötdi va ikki öyindan keyinoq pley-off masalasini hal qildi. Meksikaning esa guruhda qolib ketiş ehtimoli yuqori — muntazam 1/8 finalga çiqiş an’anasi şu safar töxtaşi mumkin. Yaponiya esa birinçi turda Germaniyani mağlub etib, öz an’anasi davom etişi uçun katta qadam taşlagandi.
Ammo öziga işongan favorit maqomida maydonga çiqiş (tarkibning yarmi bundesligada öynaydi) boşqa, anderdog maqomida öynaş — boşqa gap. Agar birinçi turda nemislarda qotillik instinkti uyğonganida, ular ikkinçi golni ham urgan va öyin 2:0 hisobida yakunlangan bölardi — barça qanday bölişi kerak bölsa, şunday bölganini aytardi. Ammo pley-offga çiqiş uçun real imkoniyat tuğilganida va buning uçun birinçi turda 0:7 hisobida mağlubiyatga uçragan jamoani yengiş talab etilganida — butunlay boşqaça psixologik holat böladi.
Yaponiya dominant futbol öynay olmaydi va quyi blokdagi himoyani yorib öta olmaydi deyiş qiyin. Osiyo miqyosida ular top-jamoa, qit’a doirasidagi öyinlarda ular doimiy ravişda şunday vazifalarni bajarişiga töğri keladi. Ammo yaponlar Kosta-Rikaning ziç himoyasini 5-4-1 sxemasi orqali yorib ötişga urinişi muvaffaqiyatsiz tanlov edi. Natijada birinçi bölimda ikki jamoa ham darvoza sohasiga birorta aniq zarba yöllamadi, xG böyiça 0,01 ga qarşi 0 — bu vaziyatni yaqqol ifodalovçi statistika.
Kostarikaliklarni nimadadir ayblaş qiyin. «Tikos» mundialga qayta quriş jarayoni ketayotgan holatda yetib keldi. Bir tomonda 2014 yilgi jahon çempionatida muxlislar mehrini qozongan Keylor Navas, Brayan Ruis, Joel Kempbell avlodi, ular 30 yoşdan oşgan. Boşqa tomonda — «Sanderlend»da öynayotgan 18 yoşli Juison Bennett kabi yoşlar, uşbu futbolçi Ispaniyaga qarşi boşlanğiç tarkibda öynagan va hali xomligi bilinib qolgandi. Boş murabbiy Luis Suaresning terma jamoadagi 15 oylik faoliyati davomida 22 futbolçi debyut qilgani bejiz emas, umuman, bu muddatda jamoa yiğinlariga 77 (!) futbolçi jalb etilgan.
Ammo «Tikos»ning hozirgi varianti ham sabr qiliş va kutişni biladi. Kosta-Rika Yaponiya özi taqdim etgan sovğadan foydalandi: töpni uzoqlaştirişdagi muvaffaqiyatsiz harakat, töpni egallab, böysundiriş va zarba berişdagi mahorat, darvozabon Suiçi Gondaning xatosi, Germaniya bilan öyinda xaloskorga aylangan bu darvozabon bu safar şunçaki «joyida qotib qoldi». Lotin Amerika vakillari butun öyin davomida himoyada matonat bilan turişdi, keyin kerakli vaqtda birgina zarba bilan öyinni hal qilişdi.
Bu ğalabada jamoa safidagi yuqori saviyali darvozabon Navas borligi ham muhim böldi. U bu öyinda köp bölmasa ham, kerak vaqtda qutqardi, Takumi Minaminoning yaqin masofadan bergan zarbasini tösdi.
Birinçi bölimda 0:7 hisobida mağlub bölgan Kosta-Rika öşa öyinda darvoza sari birorta ham zarba bermagan va xG böyiça nol körsatkiçini qayd etgandi, Yaponiya bilan öyinda esa bir zarba berildi va xG böyiça körsatkiç 0,11 körinişiga ösdi. Şunga qaramay, ğalabaga erişildi va pley-offga çiqiş uçun imkon saqlab qolindi.
Marokaşliklar madhiya ijrosidan keyin darvozabonni almaştirdi. Ikkinçi darvozabon ajoyib öyin körsatdi, Belgiyani Kurtuaning xatosi kömdi. Belgiyaliklar pley-offdan quruq qolişi mumkin
JÇ-2022. 2-tur. F guruhi
Belgiya — Marokaş 0:2 Gollar: Sobiri (73), Abuhilol (90+2).
Belgiya – Kurtua, Mene (Lukaku, 81), Vertongen, Alderveyreld, Kastan, Vitsel, de Bryuyne, T.Azar (Trossar, 74), Onana (Tilemans, 60), E.Azar (Mertens, 61), Batşuayi (de Ketelare, 75).
Marokaş – Muhammadi, Hakimi (Attiyyatalla, 68), Saiss, Agerd, Mazraui, Amrabat, Amalla (Sabiri, 68), Unai (Al Yamik, 78), Ziyoş, Bufal (Abuhilol, 73), An-Nosiri (Amdalla, 73).
Ogohlantirişlar: Onana (29), Sabiri (90+5).
Belgiya startdayoq hafsalani pir qilgandi. Kanadaga qarşi öyinda eng yaxşi futbolçi sifatida tan olingan De Bryuyne ham hayron bölgan: uni nega mukofotlaşdi? U öyindan keyin jamoasini tanqid qildi: «Yaxşi öyin ötkazdik deb öylamayman, ammo ğalaba qozonişni uddaladik».
Kanadaga qarşi öyin davomida Roberto Martines ayrim yurişlarni amalga oşirdi — ham kadrlar böyiça, ham taktikada özgartiriş qilindi — bu özgarişlar marokaşliklarga qarşi öyinga ham köçdi. Gap Tilemansning Onanaga almaştirilişi va tört himoyaçidan iborat sxemaga ötilişi haqida bormoqda. Torgan Azar ilk daqiqalardanoq harakat qilişi ham yaqqol közga taşlanadi, aka-uka Azarlar qisqa ilk daqiqalarda Batşuayi uçun golli vaziyat yaratib berişdi.
«Atlas şerlari» darvozaboni tezkor golga yöl qöymadi, lekin bu çigalyozdi maşqlari ötkazişga ulgurgan va davlat madhiyasi ijro etilganida safda bölgan Bunu emas, Munir böldi. Asosiy darvozabon özini yomon his qildi va almaştiriş söradi. Şu tufayli öyin boşlanişidan oldingi umumiy fotoda «Sevilya» posboni örnini uning örinbosari egalladi.
Birinçi bölim tanaffusigaça asosiy mavzu darvozabonlar mavzusi böldi. Marokaşliklarda bu start arafasidagi rokirovka edi. Belgiyada esa darvoza töri işğol etilişida Kurtuaning aybi bor-yöqligi muhokama qilindi. Ammo VAR signali va boş hakamning monitorga borişi bilan mavzu yopildi, afrikaliklar sardori Saiss Ziyoş jarima zarbasi ijro etgan vaqtda ofsaydda bölgani oydinlaşdi. Bu örinda u töpga tegmagani ahamiyatsiz. U Kurtuaning yölini tösgan deb topildi.
Aytiş mumkinki, Belgiya birinçi öyindagiga qaraganda yaxşiroq körindi. Ammo bu raqibning qarşilik darajasi bilan izohlanadi, marokaşliklar oçiq futbol namoyiş etdi va «qizil iblislar»ga kanadaliklar darajasida qarşilik körsatmadi.
Öyinning ikkinçi bölimi ham darvozabonlik masalasida dolzarb böldi. Munir çinakamiga yaxşi harakat qildi. U Eden Azarning yaqin burçakka yöllagan xavfli zarbasini tösdi, keyin esa öyinga faol qöşilgan Mertens gol urişiga yöl qöymadi. Kurtua esa birinçi bölimdan saboq çiqarmagani ma’lum böldi. Avvaliga Bufal finti bilan Meneni doğda qoldirib, zarba berdi, ammo töp uzoq burçakka borib tuşmadi, ikkinçi bölimda maydonga tuşgan Sobiri esa Ziyoşning zarbasini takrorladi. U standart vaziyatni ijro etuvçi 100 kişidan 99 kişi uzatma beradigan holatda töpni töğri darvozaga tepdi va bu turnirda jarima zarbasidan gol urgan ilk futbolçiga aylandi.
Kurtua ham uzatma berilişini kutgandi va u yaqin burçagidan töp olib çiqqaç, Martines şoşilinç çoralar körişga kirişdi va Lukakuni zaxira örindiğidan turğizdi. Murabbiy uşbu forvard grafikdagidan köra tezroq tiklanayotganini aytgandi, lekin baribir uni uçinçi turdan oldin maydonga taşlaşni möljallamayotgandi. Hayot esa rejalarni özgartirişga majbur qildi va bu qutqaruv amaliyoti iş berişi ham mumkin edi, ammo Vertongenning makkorona zarbasi golga aylanmadi. Futbolçilar tomonidan oldi tösib qöyilgan Munir bu vaziyatda qutqarişi dargumon edi, ammo töp darvozaga kirişni istamadi.
Belgiya bundan ortiğiga erişa olmadi. Kanadaliklarga qarşi öyinda oçiqçasiga ularning omadi kelgandi, yakşanba kungi öyin esa — mantiqning ğalabasi böldi. Belgiyaning «oltin avlodi» keksayib, kuçsizlanganini öyin oxirida Ziyoş ijrosidagi solo ham tasdiqladi.
U bir neça oy muqaddam Afrika Kubogiga zayavka qilinmagan va terma jamoadagi faoliyatini yakunlaşi haqida e’lon qilgandi. Ammo avgust oyida Vahid Xalixojiç iste’foga çiqarilgaç, u bilan ziddiyatga borgan yarimhimoyaçi hamda «Bavariya» himoyaçisi Mazraviyda barçasi özgardi. Yulduzli futbolçilar qaytişdi, endi «Atlas şerlari» jahon çempionati pley-offiga çiqişga intilmoqda. Belgiya uçun esa barçasi Xorvatiya bilan öyinda yakun topişi mumkin.
Xorvatiya muxlislar yoqimtoyiga aylangan jamoani yöldan olib taşladi. Sönggi turda Belgiya bilan pley-off yöllanmasi uçun qirpiçoq böladi
Jahon çempionati startidan oldin F guruhidagi vaziyat maksimal darajada intrigali köringandi: Yevropaning ikki yuqori saviyali jamoasi, tarkibidagi futbolçilar yoşi ötib borayotgan bölsa-da, favoritlar sifatida qaralgan, ularga yaxşi salohiyatga ega ikki qiziqarli jamoa kuçli raqobat körsatişi kutilgandi. Marokaş buni ta’minladi, bu birinçi navbatda kuçli ijroçilar (Aşraf Hakimi va Hakim Ziyoş) va qator jismonan baquvvat futbolçilar borligi bilan ham boğliq. Kanada esa köpçilik uçun notaniş va sönggi yillardagi ösişi bilan tilga tuşgan sirli toyçoq maqomida edi.
Şunga qaramay, Belgiya va Xorvatiya ustunlikka ega bölişi kerak edi. Tayyorgarlik köriş uçun yetarli vaqt bölmagan şaroitda, mantiqan ulkan tajriba va özaro öynaş amaliyoti öz sözini aytişi kutilgandi — bu ikki jamoa ham deyarli özgarmas tarkibda köp yillardan buyon öynab keladi.
Birinçi tur esa bunday kuç taqsimotiga şubha paydo qildi — Belgiya va Xorvatiya öyini juda oğir körindi, «qizil iblislar» uç oçkoga ega çiqqan bölsa-da, kanadaliklarga qarşi öyinda ularning omadi çopdi. Belgiyaliklarga ikkinçi öyin osonroq bölişi haqidagi taxminlar ham amalga oşmadi — Kevin De Bryuyne va kompaniya Marokaşga qarşi ham kuçli öyin namoyiş eta olmadi.
Xorvatiya esa ikkinçi öyinda işonçni oqladi, garçi Kanadaga qarşi öyinning dastlabki yarim soatida vaziyat juda açinarli edi. «Şaşkaçilar»da Marselo Brozoviç jarohat olgani va Mateo Kovaçiç yaxşi sport formasida emasligi bilinib qolmoqda. Brozoviç sentabr oyida aynan terma jamoa safida jarohat olgan va ikki oy öynamadi, Kovaçiç esa «Çelsi» bilan yomon davrlarni boşdan keçirmoqda. Ularning ikkisida ham barçasi joyida bölganida, maydon markazida Xorvatiyada uyğunlik kuzatilgan bölardi: Brozoviç töpga egalik qilişda muhim futbolçi, Kovaçiç driblinglari bilan töpni oldingi çiziqqa olib boradi, Luka Modriç esa jamoaga dirijyorlik qiladi.
Ammo bu öyinda baribir zaxira örindiği kengligi va tajriba Xorvatiya ustunligini ta’minladi. Yevropaliklarning ilk golini Ivan Perişiç va Andrey Kramariç taşkillaştirişdi. Ikkinçi golni A Seriyadagi işlari u qadar yurişmagan va içki çempionatda javlon urayotgan Marko Livayya urdi.
Şimoliy amerikaliklar Belgiyaga qarşi öyinda ajoyib taassurot qoldirişgandi — tajovuzkor öyin körsatişgan va faollik bilan pressing va qarşi pressinglar amalga oşirişgan — ular Xorvatiyaga qarşi öyinni ham şunday uslubda boşlaşdi. Garçi Alfonso Devisning goli maksimal darajada oddiy urilgan bölsa ham: darvozabon töpni markaziy doira atrofiga uzatib berişi, töp qanotga taşlab berilişi, qanot böylab oldinga çopiş, jarima maydoniga uzatma, yakuniy aniq zarba. Kanada tezkor gol urgaç, himoyada ötirişni istamadi va muxlislar uçun öynaşda davom etdi, lekin himoya yarim soatdan ortiq bardoş bera olmadi.
Bundan buyoğiga xorvatlar saviyasi va tajribasi öz sözini aytdi, ular aql bilan öyin borişi va töpni nazorat qilişdi, ba’zida sur’atni oşirib, taşabbusni qölga olişdi, örni kelganda pauza qilişdi. Natijada hisob öyinga mos bölmagan köriniş oldi - 4:1.
Endi Xorvatiyani Belgiyaga qarşi pley-offga çiqiş uçun ötiş öyini kutmoqda va bu öyinda Zlatko Daliç jamoasini durang natija ham qoniqtiradi.
Kanada esa har bir turnirda böladigan klassik anderdog-yoqimtoy vazifasini bajarmoqda. Ularda ehtiros va istak bor, muxlislarga şunday jamoa öyini yoqadi. Ammo bunday jamoalar taqdiri odatda birdek keçadi — ular turnirni barvaqt tark etişadi. Şimoliy amerikaliklar Qatardan keyin 1/8 finalga çiqiş imkoniyatini yöqotgan ikkinçi jamoa böldi. Ammo oldinda ularni uyda ötadigan JÇ-2026 kutmoqda, öşa turnirda Alfonso Devis, Jonatan Devid va Tedjon Byukenen eng gullagan davrida böladi va ular Yevropa top-klublarida töplangan tajribani qöllaşadi.
