O‘zbekiston va Ukraina ikki mamlakat biznes sub’yektlariga imtiyozlar berish masalasini o‘rganyapti

O‘zbekiston tashqi ishlar vaziri o‘rinbosari Bahrom A’loyev Ukraina elchisi Nikolay Doroshenkoni qabul qildi.

Bo‘lib o‘tgan uchrashuv chog‘ida turli sohalardagi O‘zbekiston-Ukraina hamkorligi dolzarb masalalari muhokama qilindi.

Savdo-iqtisodiy aloqalarni yanada kengaytirish, ikki mamlakat biznes sub’yektlariga o‘zaro imtiyoz va preferensiyalar berish istiqbollari yuzasidan fikr almashildi.