18:27 / 03.12.2022
10337

Eronda yangi atom elektr stansiyasi qurilishi boshlandi

Eron janubi-g‘arbidagi Xuziston viloyatida quvvati 300 megavatt bo‘lgan yangi atom elektr stansiyasi qurilishi boshlandi.

Foto: Reuters

Qorun AES qurilishiga ramziy tamal toshini qo‘yish marosimida Eron vitse-prezidenti va Atom energiyasi tashkiloti rahbari Muhammad Islomiy ishtirok etdi.

Qayd etilishicha, elektr stansiyasi PWR turidagi reaktor (suv bosimi bilan sovitiladigan) hisobiga ishlaydi.

AES qurilishi taxminan 8 yil davom etadi, loyiha qiymati 2 milliard dollarga baholanmoqda. Elektr stansiyasi 4 foizgacha boyitilgan uran asosida ishlaydi.

Eronda 2013 yilda quvvati 1000 MVt bo‘lgan Bushihr AES ishga tushirilgan edi. Hozirda uning ikkinchi bloki qurilishi davom etmoqda.

Top