Tashqi savdo aylanmasi yuqori bo‘lgan hududlar ma’lum qilindi

2022 yilning yanvar-noyabr oylarida hududlar kesimida tashqi savdo aylanmasi hajmida (AQSh dollari) Toshkent shahri birinchi o‘rinni egalladi — 17,6 mlrd dollar.

Davlat statistika qo‘mitasi ma’lumotlariga ko‘ra, undan keyingi o‘rinlardan tashqi savdo aylanmasi mos ravishda 5 mlrd dollar hamda 3,8 mlrd dollarni tashkil etgan Toshkent viloyati va Andijon viloyati joy oldi.

Ushbu ko‘rsatkich qolgan hududlar kesimida quyidagicha ko‘rinishga ega bo‘ldi:

• Samarqand viloyati — 2,2 mlrd;
• Farg‘ona viloyati — 1,9 mlrd;
• Namangan viloyati — 1,2 mlrd;
• Buxoro viloyati — 1,1 mlrd;
• Navoiy viloyati — 1,1 mlrd;
• Xorazm viloyati — 732,8 mln;
• Sirdaryo viloyati — 732 mln;
• Jizzax viloyati — 628 mln;
• Qoraqalpog‘iston R. — 550,4 mln;
• Qashqadaryo viloyati — 499,5 mln;
• Surxondaryo viloyati — 344 mln.