Dam olish kunlari nisbatan iliq ob-havo kuzatiladi

"O‘zgidromet" xabariga ko‘ra, respublikaning katta qismida yomg‘ir yog‘adi, faqat shimoliy va sharqiy hududlarda yog‘ingarchilik kutilmaydi.

Bugun kunduzi havo 7-12 daraja iliqqacha, ertaga 10-15 daraja  iliqqacha ko‘tariladi, yakshanba kuni esa yana 7-12 daraja iliq bo‘ladi.

Ba’zi joylarda shamol 15-20 m/s gacha kuchayadi. Farg‘ona vodiysi viloyatlarida kechasi va ertalab tuman tushishi kuzatiladi.

Respublikaning tog‘li hududlarida ushbu kunlarda qor ko‘chishi xavfi bor.

Bundan oldin O‘zbekiston bo‘yicha anomal sovuq ob-havo bo‘lishi kutilayotgani xabar berilgandi.