O‘zbekiston qaysi davlatga eng ko‘p meva va sabzavot eksport qilgani aytildi

2022 yilning yanvar-noyabr oylarida O‘zbekiston 1 mlrd AQSh dollarlik meva va sabzavotlar eksport qilgan.

Davlat statistika qo‘mitasi ma’lumotlariga ko‘ra, O‘zbekiston 2022 yilning 11 oyida eng ko‘p meva va sabzavot mahsulotlarini eksport qilgan davlatlar orasida Qozog‘iston birinchi o‘rinni egalladi – 606,6 ming tonna.

Undan keyingi o‘rinlardan meva va sabzavot mahsulotlari mos ravishda 512,5 ming tonna hamda 146 ming tonna hajmda eksport qilingan Rossiya va Qirg‘iziston joy oldi.

Ushbu ko‘rsatkich qolgan davlatlar kesimida quyidagicha ko‘rinishga ega bo‘ldi:

• Xitoy – 105,6 ming tonna;
• Pokiston – 51,5 ming tonna;
• Afg‘oniston – 34,8 ming tonna;
• Belarus R. – 22,8 ming tonna;
• Tojikiston – 21,5 ming tonna;
• Turkiya – 15 ming tonna;
• Eron – 11 ming tonna;
• Gruziya – 10,5 ming tonna;
• Ozarboyjon – 8,5 ming tonna;
• Ukraina – 7,6 ming tonna;
• BAA – 6 ming tonna;
• Germaniya – 3,1 ming tonna.