2023 yil 1 yanvar holatiga O‘zbekiston Respublikasida har 1000 nafar doimiy aholiga o‘rtacha 87 ta yengil avtomobil to‘g‘ri kelmoqda.
Foto: Kun.uz
Davlat statistika qo‘mitasi ma’lumotlariga ko‘ra, hududlar kesimida har 1000 nafar doimiy aholiga o‘rtacha to‘g‘ri keladigan yengil avtomobillar soni eng ko‘p Toshkent shahrida qayd etildi – 178 ta.
Undan keyingi o‘rinlardan mos ravishda 106 ta hamda 104 ta 1000 nafar doimiy aholiga o‘rtacha to‘g‘ri keladigan yengil avtomobillar soni bilan Toshkent viloyati va Xorazm viloyati joy oldi.
Ushbu ko‘rsatkich qolgan hududlar kesimida quyidagicha ko‘rinishga ega:
- Buxoro viloyati – 100 ta;
- Samarqand viloyati – 92 ta;
- Navoiy viloyati – 87 ta;
- Farg‘ona viloyati – 77 ta;
- Qashqadaryo viloyati – 72 ta;
- Sirdaryo viloyati – 70 ta;
- Namangan viloyati – 68 ta;
- Qoraqalpog‘iston R. – 66 ta;
- Surxondaryo viloyati – 64 ta;
- Andijon viloyati – 64 ta;
- Jizzax viloyati – 60 ta.
